ڕێباز حەملان لەبارەی مووچەی مانگی 10 و کێشە تەکنیکییەکان ڕوونکردنەوە دەدات

ئاڤا نیوز

دوو ڕۆژە شاندێکی وەزارەتی دارایی و ئابووریی هەرێمی کوردستان لە بەغدایە بەمەبەستی چارەسەرکردنی کێشە تەکنیکییەکانی مووچە، بڕیارە تاوەکو کۆتایی مانگی 11 سەرجەم تێبینییەکان چارەسەر بکرێن و پڕۆسەی بایۆمەتری تەواو بکرێت.

وێنە گەورەکە: کەمتر لە مانگێک لەبەردەم مووچەخۆرانی هەرێمی کوردستان ماوە، بۆ ئەوەی پڕۆسەی بایۆمەتری و یوپی ئێن تەواو بکەن، بەشێکی زۆریان خانەنشینانی مەدەنی و سەربازی و مووچەخۆرانی چاودێریی کۆمەڵایەتین کە ئەو دووانەیان نەکردووە.

لێدوانی ڕۆژنامەوانی: ڕێباز حەملان، ڕاوێژکاری سەرۆکی حکومەت بۆ کاروباری دارایی ڕایگەیاند: "لیستی مووچەی مانگی 10 لە بەغدایە و پێویستمان بە 996 ملیار دینارە بۆ دابەشکردنی مووچە."

زانیاریی زیاتر: سەبارەت بە گرفتە تەکنیکییەکانی بەردەم مووچە ڕێباز حەملان گوتی، تەنیا دوو هەزار و 200 مووچەخۆر ماون یو پی ئێن و بایۆمەتری تەواو بکەن و تاوەکو 20-11-2024 دەرفەتیان لەبەردەمدا ماوە.

 

زانیاریی تایبەت: پەیوەست بە مووچەی مانگی 10، شاندەکەی کوردستان لە هەوڵدایە ئەم هەفتەیە تێبینییەکانی بەغدا لەسەر لیستی مووچە چارەسەر بکات، وەک ئاڤا نیوز زانیویەتی هەفتەی داهاتوو دەست بە خەرجکردنی دەکرێت،  بەبێ لێبڕین و بە چەند گوژمەیەک دەنێردرێت.