سەرۆکوەزیران بارزانی هەناری هەڵەبجەی کردە بڕاندێکی جیهانی

ئاڤا نیوز

بە دەستپێشخەری سەرۆکوەزیران بارزانی لە ماوەی دوو ساڵی ڕابردوودا زیاتر لە 100 تۆن هەنار ڕەوانەی وڵاتانی کەنداو کراوە، ئێستا بووەتە بڕاندێکی جیهانی خواستی زیاتر و نرخی بەرزتربووەتەوە.

 

لێدوانی فەرمی:  سوها ئەحمەد، شرۆڤەکار لە نووسینگەی سەرۆکوەزیران بە ئاڤا نیوزی گوت:  هەناری هەڵەبجە بە گشتی بۆ وڵاتانی کەنداو وەک ئیمارات، قەتەر، سعودیە و بەحرەین هەناردەکراوە، بەپێی ئەوەی خواستێکی زۆر لەسەر هەناری هەڵەبجە هەیە لەلایەن کڕیارانی وڵاتانی کەنداو، نرخەکەیشی بەرزبووەتەوە.

 

بۆچی گرنگە: لە ماوەی دوو ساڵی ڕابردوو کەرتی کشتوکاڵ زیاتر لە هەزار هەلی کاری لە هەڵەبجە ڕەخساندووە، وایکردووە داهاتی زیاتر بۆ جووتیاران لە پارێزگای هەڵەبجە دابین بکات.

 

ئەمەش بزانە: هەناری هەڵەبجە 20 بۆ 26 جۆری هەیە و خواستێکی زۆری لەسەرە، ڕووبەری هەنار لە سنووری پارێزگاکە 10 هەزار و 600 دۆنمە، بەرهەمی ساڵانەی 35 هەزار تۆنە.