ئەمینداری کۆمکاری عەرەبی بۆ مەسرور بارزانی: ڕۆڵی سەرۆک بارزانی و ئێوە لە چارسەرکردنی کێشەکانی سووریا بەرز دەنرخێنم

ئاڤا نیوز

سەرۆکوەزیران، مەسرور بارزانی، لەگەڵ ئەحمەد ئەبو غەیت، ئەمینداری گشتیی کۆمکاری عەرەبی کۆبووەوە، ئەمینداری کۆمکاری عەرەبی ڕایگەیاند: "ڕۆڵی سەرۆک بارزانی و سەرۆکوەزیرانی هەرێمی کوردستان لە پاراستنی ئاسایشی و سەقامگیری و چارەسەرکردنی کێشەکانی سووریا بەرزدەنرخێنم."

چیرۆکی سەرەکی: ئەمڕۆ چوارشەممە، 4-2-2026، سەرۆکوەزیران، مەسرور بارزانی، لە پەراوێزی دیدارەکانیدا لە لووتکەی حکومەتەکانی جیهان، لە دوبەی، لەگەڵ ئەحمەد ئەبو غەیت، ئەمینداری گشتیی کۆمکاری عەرەبی کۆبووەوە. ئەم کۆبوونەوەیە لە کاتێکدایە، سەرۆکوەزیرانی کوردستان لە لووتکەی حکومەتکونی جیهان چەندین دیدار و کۆبوونەوەی گرنگ لە دوبەی ئەنجام دەدات. 

زانیاریی زیاتر: لە دیدارەکەدا ، بیروڕا لەبارەی دۆخی گشتیی عێراق و هەوڵ و گفتوگۆکانی هەڵبژاردنی سەرۆک کۆمار و کابینەی نوێی حکومەتی فیدراڵ ئاڵوگۆڕ کرا. گۆڕانکاریی و پێشهاتەکانی بارودۆخی سووریا تاوتوێ کرا و جەخت لە پاراستنی ئاسایشی و سەقامگیری و چارەسەرکردنی کێشەکان بەشێوەیەکی ئاشتیانە و ڕێزگرتن لە مافەکانی گەلی کورد و پێکهاتەکانی دیکەی سووریا کرایەوە، ئەمینداری گشتیی کۆمکاری عەرەبی، ڕۆڵی سەرۆک بارزانی و سەرۆکی حکومەتی هەرێمی کوردستانی بەرز نرخاند.