ڕێژەی سەوزایی لە هەولێر دەگەیێنرێتە سەرووی ئاستی ستانداردی جیهانی

ئاڤا نیوز

 

بەڕێوەبەرایەتیی ئەندازەی پارکەکانی هەولێر بەردەوامە لە هەڵمەتی دار چاندن لە شاری هەولێر، لە ماوەی دوو ڕۆژی ڕابردوو 721 داری جۆراوجۆر چێنراوە.

 

وێنە گەورەکە: بە ئامانجی گەیاندنی ڕێژەی سەوزایی بۆ سەرووی ئاستی ستانداردی جیهانی، لە ماوەی دوو ڕۆژی ڕابردوو بە گوژمەی زیاتر لە 94 ملیۆن و 740 هەزار دینار لەسەر داهاتی سەرۆکایەتیی شارەوانی هەولێر 600 داری دەدۆنیا و 121 داری گەورە و 30 داری جۆراوجۆری دیکە لە شاری هەولێر چێنراون.

 

ڕاگەیێنراوی فەرمی: بەڕێوەبەرایەتیی ئەندازەی پارکەکانی هەولێر، ڕایگەیاند: ماوەی دوو ڕۆژە تیمەکانمان هەڵمەتێکی  چاندنی داریان لە شەقامی نەورۆز و شەقامی هەولێر - پیرمام دەستپێکردووە، جۆری ئەو دارانەی چێنراون بریتین لە داری (لانگسترۆم ـ وردە القهوە ـ فشل بطل - داری عفــص -  دەدۆنیا). 

 

لەلایەکی دیکەوە: بەڕێوەبەرایەتیی ئەندازەی پارکەکانی هەولێر، ئاماژەی بەوەشکردووە: بەشێک لە دارەکان هەمیشە سەوزە و بەرگەی گەرما و سەرما دەگرێت و خۆی لەگەڵ کەشوهەوای شاری هەولێر دەگونجێنێت.