سەرژمێری مەترسی لەسەر داهاتوو کورد لە خورماتوو دروست دەکات

ئاڤا نیوز

هەزاران کوردی خەڵکی قەزای خورماتوو ناتوانن لە سەرژمێری 20 و 21ی ئەم مانگە خۆیان تۆمار بکەن، بۆیە داهاتووی نەتەوەی کورد لەو قەزایە دەکەوێتە مەترسییەوە.

وێنە گەورەکە: بەهۆی ڕووداوەکانی 16ی ئۆکتۆبەری 2017، نزیکەی 60 هەزار هاووڵاتی کوردی قەزای خورماتوو ئاوارەی شارەکانی هەرێمی کوردستان بوون و تاوەکو ئێستا بە دەیان خێزان نەگەڕاونەتەوە، چونکە بەشێکی زۆریان بەتۆمەتی جیاجیا بڕیاری دەستگیرکردنیان هەیە و لەگەڵ گەڕانەوەیان لە بازگەکان دەستگیر دەکرێن.

زانیاریی زیاتر: لە 16ی ئۆکتۆبەر و ڕۆژانی دواتر گرووپە جیاجیاکانی حەشدی شەعبی 96 خانووی هاووڵاتیانی کوردیان تەقاندەوە، 304 خانوویان سووتاند و زیاتر لە دوو هەزار و 500 ماڵیشیان تاڵان کرد.

 

ئەمەش بزانە: خورماتوو قەزایەکی کوردستانییە و دەکەوێتە سنووری ماددەی 140، هەرسێ نەتەوەی کورد و عەرەب و تورکمان تێیدا دەژین.