لە بەغدا لە کاتی ئاهەنگگێڕانی هاڵۆوین 23 کەس دەستگیر کران

ئاڤا نیوز

 

لە ئاهەنگی جەژنی هاڵۆوین زیاتر لە 20 کەس لەناو چێشتخانەیەک لە ناوەڕاستی بەغدا دەستگیرکران.

 

زانیاریی بەدەستهاتوو: سەرچاوەیەک لە پۆلیسی عێراق بە میدیا عێراقییەکانی ڕاگەیاند: لە کاتی ئاهەنگ گێڕان بە بۆنەی یادی هاڵۆوینەوە، هێزێکی ئەمنی هەڵیکوتایە سەر یەکێک لە هۆڵەکانی چێشتخانە و باخچەی "لقەکانی زەیتون" لەناوچەی جادرییەی شاری بەغدا 23 کەسی دەستگیرکرد لەنێویاندا دوو ژن هەبوون.

 

زانیاریی زیاتر: سەرچاوەکە ئاماژەی بەوەکرد، هۆکاری دەستگیرکردنی ئەو کەسانە بۆ شێوازی گێڕانی ئاهەنگەکە دەگەڕێتەوە کە پێشێلی یاساو ڕێساکانی ئاهەنگ گێڕانە.

 

ئەمەش بزانە: لە 31 ـی ئۆکتۆبەری هەموو ساڵێک لە زۆرینەی وڵاتانی جیهان یادی هاڵۆوین دەکرێتەوە، لەم شەوەدا خەڵک شیرینی دەبەخشنەوە، جلوبەرگی نائاسایی دەپۆشن و ماکیاژی ترسناک بۆ دەمووچاویان دەکەن.