مقاوەمەی عێراق دوو هێرشی جیاواز دەکاتە سەر ئیسرائیل

ئاڤا نیوز

 

بەرەبەیانی ئەمڕۆ هەینی بەرەی مقاوەمەی ئیسلامی لە عێراق بە فڕۆکەی بێفڕۆکەوان، دوو هێرشی جیاوازی کردە سەر ئیسرائیل.

 

وێنە گەورەکە: وێڕای ئەوەی حکومەتی عێراق بەفەرمی ڕەتیدەکاتەوە ببێت بە بەشێک لە جەنگی نێوان ئیسرائـیل و ئێران و ناوچەکە، بەڵام بەرەی مقاوەمەی ئیسلامی لە عێراق ڕۆژانە لەنێو خاکی عێراقەوە هێرش دەکاتە سەر ئیسرائیل.

 

ڕاگەیێنراوی فەرمی: بەرەی مقاوەمەی ئیسلامی لە عێراق بڵاویکردەوە، بەرەبەیانی ئەمڕۆ هەینی بە فڕۆکەی بێفڕۆکەوان پێگەیەکی سەربازی گرنگی ئیسرائیلیان لە بەرزاییەکانی جۆلان کردووەتە ئامانج.

 

لەلایەکی دیکەوە: لە بەیاننامەیەکی دیکەدا بەرەی مقاوەمەی ئیسلامی لە عێراق ئاشکرای کرد، بە فڕۆکەی بێفڕۆکەوان، پێگەیەکی سەربازی ئیسرائیلیان لە باشووری فەلەستین پێکاوە.