سەرۆك بارزانی پیرۆزبایی لە مەحموود مەشهەدانی دەكات

ئاڤا نیوز

 

سەرۆك بارزانی لە پەیوەندییەكی تەلەفۆنیدا پیرۆزبایی لە مەحموود مەشهەدانی، سەرۆكی تازەی ئەنجوومەنی نوێنەرانی عێراق دەكات.

 

وێنە گەورەكە: ڕۆژی هەینی 1-11-2024 سەرۆک بارزانی و مەحموود مەشهەدانی، سەرۆکی تازەی ئەنجوومەنی نوێنەرانی عێراق پەیوەندییەکی تەلەفۆنیان ئەنجام دا.

 

ڕاگەیێنراوی فەرمی: بارەگای بارزانی ڕایگەیاند: لەو پەیوەندییە تەلەفۆنییەدا سەرۆك بارزانی پاڵپشتی و پیرۆزبایی خۆی بە مەحموود مەشهەدانی ڕاگەیاند بۆ هەڵبژاردنی وەك سەرۆكی ئەنجوومەنی نوێنەرانی عێراق، لەبەرامبەریشدا سەرۆکی تازەی ئەنجوومەنی نوێنەرانی عێراق سوپاسی هەڵوێست و پشتگیرییەکانی سەرۆک بارزانی کرد لە چارەسەرکردنی کێشەکان و هەڵبژاردنی سەرۆکی ئەنجوومەنی نوێنەرانی عێراق.

 

لەلایەكی دیكەوە: هەر لەو پەیوەندییە تەلەفۆنییەدا جەخت لە چارەسەركردن و یەکلاییکردنەوەی كێشە هەڵواسراوەكان و تێپەڕاندنی ئەو یاسایانە كرایەوە كە لە بەرژەوەندیی گەلانی عێراقدان و دەبنە هۆی چارەسەركردنی گرفتەكانی نێو پڕۆسەی سیاسیی عێراق.