دهۆک و زاخۆ لەبارەی ڕاگەیاندنی پشوو بڕیاریان دا

ئاڤا نیوز

 

دهۆک و زاخۆ لە بارەی دەوامی خوێندن و دامەزراوە حکومییەکان بڕیاری دا کە سبەی ناکرێتە پشوو و دەوام ئاسایی دەبێت.

 

وێنە گەورەکە: بە پێی هۆشدارییەکانی دامەزراوەى کەشناسى و بوومەلەرزەزانى هەرێمى کوردستان، ئەمشەو بارانێکی چڕ ناوچە جیاجیاکانی هەرێمی کوردستان دەگرێتەوە و تا سبەی ئێوارە بەردەوام دەبێت، لە هەندێک شوێن مەترسی کۆبوونەوەی ئاو و دروستبوونی لافاو هەیە، بەم هۆیەوە لە چەند ناوچەیەک، بەتایبەت ناوەندەکانی خوێندن پشوو ڕاگەیێنراوە.

 

لێدوانی فەرمی: سەرچاوەیەک لە ئەنجوومەنی پارێزگای دهۆک بە ئاڤای ڕاگەیاند: تا ئێستا هیچ بڕیارێک لەبارەی پشووی سبەی دامودەزگا حکومییەکانی سنووری پارێزگای دهۆک نەدراوە و دەوام ئاسایی دەبێت.

 

لەلایەکی دیکەوە: سەرچاویەکی تایبەت لە ئیدارەی سەربەخۆی زاخۆ بە ئاڤای ڕاگەیاند: سبەی لە ئیدارەی سەربەخۆی زاخۆ دەوامی فەرمییە و تا ئێستاش لەبارەی پشووەوە هیچ بڕیارێک نەدراوە.