ترەمپ: ئەمڕۆ دەبێتە گرنگترین ڕۆژ لە مێژووی ئەمریکادا

ئاڤا نیوز

 

ئەمرۆ هەڵبژاردنی سەرۆکایەتیی ئەمریکا دەستیپێکرد، هەریەکە لە دۆناڵد ترەمپ، کاندیدی کۆمارییەکان و کامالا هاریس، کاندیدی دیموکراتەکان کێبڕکێ لەسەر بەدەستهێنانی پۆستەکە دەکەن.

 

وێنە گەورەکە: ئەمڕۆ 5ـی نۆڤەمبەر دەنگدانی گشتیی بۆ هەڵبژاردنی سەرۆکی ئەمریکا دەستپێکرد  و زیاتر لە 244 ملیۆن کەس مافی دەنگدانیان هەیە، نزیکەی 130 هەزار ناوەندیش لە سەرتاسەری وڵات بۆ دەنگدەران تەرخانکراوە. 

 

لێدوانی فەرمی: دۆناڵد ترەمپ، لە تۆڕی کۆمەڵایەتی ئێکس ڕایگەیاند: '' ئەمڕۆ دەبێتە گرنگترین ڕۆژ لە مێژووی ئەمریکادا، پێکەوە سەرکەوتنێکی گەورە بەدەست دەهێنین''. 

 

لەلایەکی دیکەوە: ترەمپ گووتی، پێوستە ئەمریکییەکان دەنگەکانیان بگەینن تەنانەت چەند کاتیش بخایەنێت، جارێکی دیکە ئەمریکا گەورە دەکەینەوە.