کاتی دەنگدان لە ویلایەتێکی ئەمریکا درێژ دەکرێتەوە

ئاڤا نیوز

پرۆسەی دەنگدانی گشتی لە 50 ویلایەتی ئەمریکا بەردەوامە، لە ویلایەتی پێنسیلڤانیاش بەهۆی دروستبوونی کێشەی تەکنیکی کاتی دەنگدان دوو کاتژمێر درێژ دەکرێتەوە.

چی ڕوودەدات: ویلایەتی پێنسیلیڤانیا یەکێکە لە ویلایەتە خۆڵەمشییەکان کە ڕۆڵێکی یەکلاکەرەوە لەم هەڵبژاردنەدا دەگێڕن، بەهۆی بوونی چەند کێشەیەک لە ئامێرەکانی دەنگدان، کاتی دەنگدان لەم ویلایەتە درێژ دەکرێتەوە.

ڕاگەیێنراوی فەرمی: دادگای ویلایەتی پێنسیلیڤانیا ڕایگەیاند، بەهۆی بوونی کێشەی تەکنیکی لە ئامێرە ئەلیکترۆنییەکاندا، سندووقەکانی دەنگدان بۆ ماوەی دوو کاتژمێر  درەنگتر دادەخرێن.

ئەوەی پێویستە بیزانیت: بڕیار بوو سندووقەکانی دەنگدان لە ویلایەتی پێنسیلیڤانیا کاتژمێر 20:00 بە کاتی ئەمریکا کە دەکاتە 01:00ـی شەو بە کاتی کوردستان دابخرێن، بەڵام درێژکرایەوە بۆ کاتژمێر 22:00 بە کاتی ئەمریکا کە دەکاتە کاتژمێر 3:00ـی شەو بە کاتی کوردستان.