سەرۆککۆماری عێراق پیرۆزبایی لە ترەمپ دەکات

ئاڤا نیوز

 

سەرۆککۆماری عێراق پیرۆزبایی لە دۆناڵد ترەمپ دەکات بە بۆنەی دووبارە هەڵبژاردنەوەی بۆ پۆستی سەرۆکی ئەمریکا هیوای سەرکوتنی بۆ خواست و ئاماژەی بەوەدا چاویان لە پەیوەندیی بونیادنەرە لەگەڵ ئەو وڵاتە.  

 

وێنە گەورەکە: ڕۆژی 5-11-2024 هەڵبژاردنی سەرۆکایەتیی ئەمریکا بەڕێوچوو، بە گوێرەی ئەنجامە بەراییەکان دۆناڵد ترەمپ، بەربژێری کۆمارییەکان وەک  47ـەمین سەرۆکی ویلایەتە یەکگرتووەکانی ئەمریکا هەڵبژێردرا.

 
ڕاگەیێنراوی فەرمی: عەبدولەتیف ڕەشید، سەرۆککۆماری عێراق لە تۆڕی ئێکس ڕایگەیاند: هیوادارین ئەو و ئیدارەکەی سەرکەوتوو بن لە سەرکردایەتیکردنی ویلایەتە یەکگرتووەکانی ئەمریکا لە بەدەستهێنانی زیاتری پێشکەوتن و خۆشگوزەرانی.

 

زانیاریی زیاتر: سەرۆککۆماری عێراق گوتیشی، "چاومان لە قۆناغێکی نوێیە لە جێبەجێکردنی ئاشتی و سەقامگیری بۆ ناوچەکە و پتەوکردنی پەیوەندیی بونیادنەر کە خزمەت بە بەرژەوەندی و چاوەڕوانییەکانی گەلەکان دەکات".