تورکیا پەیوەندییەکانی لەگەڵ ئەمریکا پتەوتر دەکات

ئاڤا نیوز 

ڕەجەب تەیب ئەردۆغان، سەرۆککۆماری تورکیا پەیوەندی بە سەرۆکی هەڵبژێردراوی ئەمریکا کرد و جارێکی دیکە پیرۆزبایی سەرکەوتنی لێ کرد، هیوای خواست پەیوەندییەکانی نێوان ئەمریکا و تورکیا  و کاری هاوبەشی نێوانیان بەرەو پێش بچێت.

 

وێنە گەورەکە: ڕۆژی 5-11 هەڵبژاردنی سەرۆکایەتیی ئەمریکا کرا، بەگوێرەی ئەنجامە بەراییەکان ترەمپ دەبێتەوە سەرۆکی ئەمریکا. 

 

چیرۆکی سەرەکی: ئەردۆغان لە ڕێگەی پەیوەندییەکی تەلەفۆنییەوە پیرۆزبایی سەرکەوتنی لە ترەمپ کرد و گوتی: هیوادرام قۆناغێکی نوێ لە پەیوەندی و کاری هاوبەش لە نێوان تورکیا و ئەمریکا دروست ببێت.

 

بۆچی گرنگە: ئەردۆغان پەیوەندییەکی باشی لەگەڵ جۆ بایدن، سەرۆکی ئێستای ئەمریکا نەبوو، جارێکیش بڕیار وابوو سەردانی ئەمریکا بکات، بەڵام سەردانەکەی هەڵوەشایەوە. ترەمپ لە خولی یەکەمی سەرۆکایەتییەکەیدا، زۆر جار ئەردۆغانی بە "هاوڕێی نزیک" ناوبردووە.