چین: پێویستە پەیوەندییەکانمان لەگەڵ ئەمریکا بەهێزتر بکەین

ئاڤا نیوز 

 

دوای بردنەوەی دۆناڵد ترەمپ لە هەڵبژاردنەکان، چین داوای پتەوکردن و باشترکردنی پەیوەندییەکانی نێوان وڵاتەکەی و ئەمریکا دەکات و بە "پرسێکی گرنگ" سەیری دەکات.

 

لێدوانی فەرمی: شی جین پینگ، سەرۆککۆماری چین پەیامێکی ئاراستەی سەرۆکی ئەمریکا کرد: "پێویستە هەوڵبدەین لەگەڵ یەکتردا بگونجێین و پەیوەندی و گفتوگۆکانمان پتەوتر بکەین". ئاماژەی بەوەداوە کە مێژوو ئەوە دەردەخات چین و ئەمریکا سودمەند دەبن لە هاوکاری یەکتری و دەبێت بە بەردەوامی هەوڵ بۆ پەیوەندییەکی سەقامگیر بدەن.

 

ئەوەش بزانە: لە میانەی بانگەشەی هەڵبژاردن، ترەمپ جەختی لەوە کردەووەتەوە کە باجێکی زۆر دەخاتە سەر کاڵا چینییەکان بۆ ئەوەی کەمترین کاڵای چینی هاوردەی ئەمریکا بکرێت. 

 
باکگراوند: 2024/11/5 هەڵبژاردنی سەرۆکایەتیی ئەمریکا بەڕێوەچوو، دۆناڵد ترەمپ بە بەدەستهێنانی  276 ئەندامی دەستەی هەڵبژاردن توانی ببێتە 47ــەمین سەرۆکی ئەمریکا.