ئەمساڵ بەرزترین پلەی گەرما تۆمار دەکرێت

ئاڤا نیوز

 

ڕێکخراوی گۆڕانی کەشوهەوای یەکێتی ئەوروپا، ساڵی 2024 بە گەرمترین ساڵی مێژوو دادەنێت و ژمارەی پێوانەی دەشکێنێت.

وێنە گەورەکە: ساڵی 2023 بە گەرمترین ساڵ تۆمار کرا، بەڵام بەهۆی بەردەوامی گۆڕانی کەشوهەوا و سووتانی دارستانەکان پێشبینی دەکرێت 2024 ژمارەی پێوانەی بشکێنێت و ببێتە گەرمترین ساڵی زەوی.

 
لێدوانی فەرمی: کارلۆ بۆنتێمپۆ، بەڕێوەبەری ڕێکخراوی گۆڕانی کەشوهەوای یەکێتیی ئەوروپا ڕایگەیاند: ''کەشوهەوا لە هەموو کیشوەرەکان گەرمترین ئاستی تۆمار کردووە بۆیە 2024 گەرمترین ساڵی جیهان دەبێت"

ئەوەش بزانە: دەردانی دووەم ئۆکسیدی کاربۆن لە سووتانی خەڵوز و نەوت و گاز هۆکاری سەرەکی گەرمبوونی جیهانن.

زانیاریی زیاتر: کۆنفرانسی گۆڕانی کەشوهەوای نەتەوە یەکگرتووەکان (COP29)، بڕیارە هەفتەی داهاتوو لە ئازەربایجان بەڕێوەبچێت، وڵاتان هەوڵدەدەن ڕێکبکەون لەسەر زیادکردنی دارایی بۆ ڕووبەڕووبوونەوەی گۆڕانی کەشوهەوا.