سەرۆكی دەزگای مەدا لەهەوڵێكی كوشتن ڕزگاری دەبێت

ئاڤا نیوز

فەخری کەریم، سەرۆکی دەزگای مەدا بۆ ڕاگەیاندن و ڕۆشنبیری و هونەر، لە هەوڵێکی کوشتن لە بەغدا ڕزگاری بوو.

ڕاگەیێنراوی فەرمیی: دەزگای مەدا ڕایگەیاند چەند چەکدارێکی نەناسراو کە لەناو دوو پیکابدا بوون، لە کاتژمێر نۆی ئەمشەو هەوڵیانداوە فەخری کەریم بکوژن و ڕێگەیان بە ئۆتۆمبێلەکەی گرتووە، دوای ئەوەی تەقەیان لە ئۆتۆمبێلەکەی کردووە، هەڵاتوون.

" هەوڵە قێزەون و شکستخواردووەکەی تیرۆرکردنی فەخری کەریم ئەوە پشتڕاست دەکاتەوە کە هێزە تاریکپەرستەکان دڵخۆش نین بە بینینی عێراقییەکان کە بە خۆشحاڵییەوە کارلێک دەکەن لەگەڵ بۆنەیەکی ڕۆشنبیری گەورە و کاریگەر وەک پێشانگای نێودەوڵەتیی کتێبی عێراق".

دەزگای مەدا داوای کرد لێکۆڵینەوەیەکی خێرا بکرێت بۆ ئاشکراکردنی ئەنجامدەرانی هێرشەکە و ئەوانەی لە پشتیانەوەن، و بە خێرایی بیانخەنە بەردەم دادگا بۆ ئەوەی سزای دادپەروەرانەیان وەربگرن.