لە هەولێر بە ڕۆبۆت نەشتەرگەری دەکرێت

ئاڤا نیوز

 

لە هەولێر سەنتەری تایبەت بە نەشتەرگەری لە ڕێی ڕۆبۆتەوە دەکرێتەوە، وەزیری تەندروستی دەڵێت 'ئێستا بەشێکی سەنتەرەکە تەواو کراوە'.

 

وێنە گەورەکە: حکومەتی هەرێمی کوردستان و وەزارەتی تەندروستی کار لەسەر پێشخستنی نەخۆشخانە حکومییەکان دەکەن، بەجۆرێک وەک ناوەندێکی چارەسەری نموونەیی هاونیشتمانییان بتوانن سود لە خزمەتگوزارییەکانیان ببینن.

 

لێدوانی فەرمی: د.سامان بەرزنجی، وەزیری تەندروستی بە ئاڤا نیوزی گوت: سەنتەرێکی تایبەت بە نەشتەرگەری 'SURGICAL ROBOTIC'، دەکرێتەوە، بەجۆرێک پزیشکەکان دادەنیشن و لەڕێگەی کۆنترۆڵەوە نەشتەرگەری دەکەن.

 

زانیاریی زیاتر: سەنتەرەکە لەنێو نەخۆشخانەی ڕزگاری لە هەولێر دەکرێتەوە، ئێستا باڵەخانەی سەنتەرەکە بو گوژمەی زیاتر لە یەک ملیار دینار تەواو کراوە، ئەوەی ماوەتەوە دابینکردنی ئامێرەکانە.