عێراق دیزاینی تابلۆی ئۆتۆمبێل لەگەڵ هەرێمی كوردستان یەکدەخات

ئاڤا نیوز 

 

بەڕێوەبەرایەتیی هاتووچۆی عێراق دەستی بە چاپكردن و دروستكردنی تابلۆی ئۆتۆمبێل كردووە بە هەمان ئەو دیزایینەی كە لە هەرێمی كوردستاندا بەكاردەهێنرێت.

 

وێنە گەورەكە: به‌ڕێوەبه‌رایه‌تیی گشتیی هاتووچۆی عێراق، لە سەرجەم پارێزگاكانی ناوەڕاست و باشووری عێراق دەستی بە چاپكردن و دروستكردنی تابلۆی ئۆتۆمبێل كردووە بە هەمان شێوەی هەرێمی كوردستان.

 

ڕاگەیێنراوی فەرمی: هاتووچۆی عێراق ڕایگەیاند: دوای ئه‌وه‌ی سه‌رجه‌م تابلۆی ئۆتۆمبێلە تایبه‌تەكان چاپكران، هاووڵاتییان دەتوانن لە ڕۆژی شەممەوە 09-11-2024، سەردانی بەشی تۆمارەكان لە بەڕێوەبەرایەتیی هاتووچۆی سەرجەم پارێزگاكان بكەن بۆ وەرگرتنی تابلۆی نوێی ئۆتۆمبێل.

 

ئەوەی پێویستە بیزانیت: هاتووچۆی عێراق، له‌ به‌رامبه‌ر پێدانی هه‌ر تابلۆیه‌ک بڕی 60 هه‌زار دینار له‌ خاوه‌ن ئۆتۆمبێله‌كان وه‌رده‌گرێت.

 

ئەمەش بزانە: سەرەڕای پشوو، ڕۆژانی شه‌ممه‌ به‌شی تۆماری به‌ڕێوه‌به‌رایه‌تییه‌كانی هاتووچۆ كراوه‌ ده‌بن بۆ كارئاسانی و نه‌هێشتنی قه‌ره‌باڵخی بۆ هاووڵاتیان.