مووچەی کەسوکاری کوژراوان و بریندارانی حەشدی شەعبی زیاد دەکرێت

ئاڤا نیوز

بڕیارە مووچەی کەسوکاری کوژراوان و بریندارانی حەشدی شەعبی لە داهاتوویەکی نزیکدا گۆڕانکاری بەسەردا بێت.

لێدوانی فەرمی: فالح فەیاز، سەرۆکی دەستەی حەشدی شەعبی ڕایگەیاند: "مووچەی خانەنشینی بۆ کەسوکاری قوربانیانی حەشدی شەعبی زیاد دەکات، ئەم بڕیارە بریندارانی حەشدی شەعبیش دەگرێتەوە کە ڕێژەی کەمئەندامییان 75% زیاترە".

زانیاریی زیاتر: بەگوتەی فالح فەیاز، ئەم بڕیارە لە مانگی یەکی ساڵی  2025 دەکەوێتە بواری جێبەجێکردنەوە.

ئەمەش بزانە: مووچەی کەسوکاری قوربانیانی حەشدی شەعبی لە ملیۆنێک و 200 هەزار دینارەوە دەستپێدەکات.