هاوژینی یەکەمی بەغدادی نهێنیی نوێ ئاشکرا دەکات

ئاڤا نیوز

کەناڵی عەرەبییە بەشی دووەمی چاوپێکەوتنی هاوژینی یەکەمی ئەبوبەکر بەغدادی بڵاودەکاتەوە. لەم بەشەدا نهێنیی نوێ دەدرکێنێت و دەڵێت:  "بەغدادی نەیدەهێشت نزا بۆ باوکی کۆچکردووم بکەم، چونکە گومانی لە باوەڕداری هەبوو".

چیرۆکی سەرەکی: هەفتەی ڕابردوو هەردوو کەناڵی حەدەس و عەرەبییەی سعوودی بەشی یەکەمی چاوپێکەوتنی ئەسما محەممەد، هاوژینی یەکەم و نوور ئیبراهیم، هاوژینی سێیەمی بەغدادی و کچەکەیان بڵاوکردەوە. ئەمشەو کاتژمێر 19:30 خولەک بەشی دووەم بڵاودەکرێتەوە.

لێدوانی فەرمی: ئەسما محەممەد لە بەشێکی چاوپێکەوتنەکەدا دەڵێت: "ئەبوبەکر بەغدادی مەیلی بۆ ئایدۆلۆژیای ئیخوان موسلیمین هەبوو، خیانەتی لە بەرەی نوسڕە کرد و ڕێکخراوی قاعیدەی بە بڵاوکردنەوەی بیری چەواشەکارانە وەسف دەکرد".

باس لەوەش دەکات بەغدادی نەیهێشتووە نزا بۆ باوکی کۆچکردووی بکات، چونکە گومانی لە باوەڕدارییەکەی کردووە.

باکگراوند: ئەسما محەممەد، هاوژینی یەکەمی ئەبوبەکر بەغدادی، خەلیفەی کوژراوی داعش، مانگی حوزەیرانی 2018 لەسەر سنوور لەلایەن تورکیا دەستگیرکرا، ماوەیەک پێش ئێستاش بۆ لێکۆڵینەوە گەڕێنرایەوە بەغدا.