وادەی پێشکەشکردنی فۆرمی دامەزراندنی کارمەندان سەرژمێریی کۆتاییهات

ئاڤا نیوز

 

دوای سێ ڕۆژ لە کارابوونی فۆرمی دامەزراندنی کارمەندانی سەرژمێری، پێشکەشکردنی فۆرمەکە کۆتاییهات.

 

وێنە گەورەکە: بۆ بەڕێوەبردنی سەرژمێری لە پارێزگاکانی هەرێمی کوردستان، وەزارەتی پلاندانان زیاتر 13 هەزار بژمێریان پێویستە و تا کۆتایی مانگی 12 لەگەڵ دەستەی ئامار کار دەکەن، هاوکات بۆ هەر مانگێک 250 هەزار دیناریان پێدەدرێت.

 

لێدوانی فەرمی: گۆهدار محەممەد، سەرۆکی کەرتی تەکنیکی و مەیدانی سەرژمێری بە ئاڤا نیوزی ڕاگەیاند: دوای سێ رۆژ لە کارابوونی فۆرمی ئۆنلاین، وادەی پێشەکەشکردنی فۆرمی دامەزراندنی کارمەندانی سەرژمێریی کۆتایی هات، هاوکات لە چەند رۆژی داهاتوو ناوەکانیان بڵاو دەکرێتەوە.

 

ئەوەی پێویستە بیزانیت: بژمێر ئەو کەسەیە دەچێتە ماڵان و زانیاریی ورد تۆمار دەکات، هاوکات بەر لە دەستپێکردنی ئەرکەکانیان ڕاهێنانیان پێدەکرێت.

 

باکگراوند: پاش 37 ساڵ جارێکی دیکە عێراق سەرژمێری سەرتاسەری دەکات، بڕیارە ڕۆژی 20-11-2024 سەرژمێری گشتیی بێت، ڕۆژانی 16-17-18-19ی ئەم مانگە کاری مەیدانی پرۆسەی سەرژمێریی دانیشتووان دەستپێدەکات.