پوتین فڕۆکەیەکی ئەتۆمی لێدەخوڕێت

ئاڤا نیوز

ڤلادیمیر پوتین، سەرۆکی ڕووسیا فڕۆکەیەکی جەنگی لێدەخوڕێت کە توانای هەڵگرتن و هاوێشتنی بۆمبی ئەتۆمی هەیە و خێراییەکەی لە دەنگ زیاترە. 

چیرۆکی سەرەکی: میدیاکانی ڕووسیا وێنە و گرتەی ڤیدیۆیی ڤلادیمیر پوتینیان لە کاتی لێخوڕینی فڕۆکەیەکی جۆری «Tu-160M» بڵاوکردووەتەوە. فڕۆکەکە لە ناوچەی قازان فڕیوە و نیو کاتژمێر بە ئاسمانەوە بووە.

ئەوەی پێویستە بیزانیت: یەکێکە لە گرنگترین فڕۆکەکانی ئەو وڵاتە، دەتوانێت 12 موشەکی کروز یان ئەتۆمی هەڵبگرێت و،  بێ وەستان و بێ پڕکردنەوەی وزە 12 هەزار کیلۆمەتر ببڕێت.

زانیاریی زیاتر: شارەزایان ئەم نمایشەی پوتین بە ناردنی پەیامێک بۆ ڕۆژئاوا دەزانن بەتایبەت کە ڕووسیا و پوتین بەهۆی شەڕی ئۆکراینا و مردنی ئالێکسی ناڤالنییەوە کەوتوونەتە ژێر کۆمەڵێک سزای نوێ.