مەسرور بارزانی و باڵیۆزی ژاپۆن تاوتوێی پێکهێنانی حکومەت دەکەن

ئاڤا نیوز 

 

سەرۆکوەزیران، مەسرور بارزانی پێشوازی لە باڵیۆزی ژاپۆن لە عێراق کرد و پێکهێنانی کابینەی نوێی حکومەتی داهاتوو تەوەرێکی گرنگی گفتوگۆی نێوانیان بوو.

 

وێنە گەورەکە: ڕۆژی شەممە 9-11-2024، سەرۆکوەزیران مەسرور بارزانی، پێشوازی لە فوتۆشی ماتسومۆتۆ باڵیۆزی ژاپۆن لە عێراق کرد بەبۆنەی کۆتاییهاتنی ئەرکەکەی.

 

ڕاگەیێنراوی فەرمی: سەرۆکوەزیران مەسرور بارزانی، سوپاسی باڵیۆزی ژاپۆنی کرد بۆ کارکردنی لە پێناو پەرەپێدانی پەیوەندیی دوولایەنە، هاوکات بە پێزانینەوە ئاماژەی بە هاریکاری و پرۆژەکانی ئاژانسی جایکای ژاپۆنی لە هەرێمی کوردستان کرد.

 

لەلایەکی دیکەوە باڵیۆزی ژاپۆن خواستی وڵاتەکەی بۆ بەهێزترکردنی پەیوەندییەکان لەگەڵ هەرێمی کوردستان لە بوارە جۆراوجۆرەکاندا دووپاتکردەوە، هاوکات سەرکەوتنی هەڵبژاردنی پەرلەمانی کوردستان و گرنگیی پێکهێنانی کابینەی نوێی حکومەتی هەرێمی کوردستان لە زووترین کاتدا، تەوەرێکی دیکەی گفتوگۆکان بوو.