سەرۆک بارزانی: هەرگیز جارێکی دیکە دۆزی کورد بەرەو پاش ناچێت

ئاڤا نیوز

 

سەرۆک بارزانی و باڵیۆزی ژاپۆن لە عێراق کۆبوونەوە، هاوکات سەرۆک بارزانی ئاماژەی بەوە کرد کە دۆزی گەلی كوردستان هەرگیز بەرەو پاشەوە ناچێت.

 

وێنە گەورەکە: ڕۆژی شەممە 9-11-2024 سەرۆک مەسعود بارزانی پێشوازی لە فوتوشی ماتسومۆتو باڵیۆزی ژاپۆن لە عێراق كرد، دۆزی کورد و دۆسیاتەتی لەگەڵ ژاپۆن تاوتوێکران.

 

ڕاگەیێنراوی فەرمی: لە دیدارەكەدا باڵیۆزی ژاپۆن لە عێراق كە بەبۆنەی كۆتاییهاتن بە ئەركەكانی و ماڵئاوایی سەردانی سەرۆک بارزانی كردبوو، پێزانینی بۆ خەبات و قوربانیدانی گەلی كوردستان بۆ گەیشتن بە ئازادی هەبوو، هاوکات ڕۆڵی سەرۆک بارزانیی لە قۆناغە جۆراوجۆرەکانی مێژووی خەباتی گەلی كوردستان و پڕۆسەی سیاسیی عێراق و کوردستان بەرز نرخاند.

 

ئەمەش بزانە: لەو دیدارەدا ڕۆشنایی خرایە سەر مێژووی بزووتنەوەی ڕزگاریخوازی گەلی كوردستان، کۆڵنەدان و خۆبەدەستەوەنەدانی خەڵكی كوردستان، لای خۆیەوە سەرۆک بارزانی جەختی لەوەكردەوە، کە دۆزی گەلی كوردستان هەرگیز بەرەو پاشەوە ناچێت و ئەو دەستكەوتانەی كە هەن لە دەرئەنجامی قوربانیدانێكی زۆری گەلی كوردستان هاتۆتە ئاراوە و دیاریی هیچ کەس و لایەنێک نیە.

 

گۆشەیەکی دیکە: لە بەشێكی دیكەی ئەو دیدارەدا، هەردوولا جەختیان لە پەرەپێدانی پەیوەندیی و دۆستایەتی نێوان گەلی كوردستان و گەلی ژاپۆن لە بوارە جیاجیاكان كردەوە، بارودۆخی سیاسیی عێراق و ناوچەكە تەوەرێكی دیكەی دیدارەكەی نێوان سەرۆک بارزانی و باڵیۆزی ژاپۆن لە عێراق بوو.