شێخ دارا: هەفتەی داهاتوو شەپۆلێکی بارانبارین هەرێمی کوردستان دەگرێتەوە

ئاڤا نیوز

 

لە سەرەتای هەفتەی داهاتوو شەپۆلێکی بارانبارین هەرێمی کوردستان دەگرێتەوە و پلەکانی گەرماش نزم دەبنەوە.

 

لێدوانی فەرمی: شێخ دارا، پێشکەشکاری کەشوهەوای ئاڤا ڕایگەیاند: لە هەفتەی داهاتوو ئەگەری نزیکبوونەوەی شەپۆلی بارانبارین هەیە، شەپۆلەکە لە دەریای سپی ناوەڕاستەوە بەرەو ناوچەکانی هەرێمی کوردستان هەڵدەکات.

 

ئەوەشی خستەڕوو، ئەم بارانبارینە ناوچەکانی سلێمانی و دەوروبەری دەگرێتەوە، بەڵام کەمترین بڕی بارانبارینەکە دهۆک و ناوچەکانی شنگال دەگرێتەوە، لە هەولێریش باران دەبارێت.

 

زانیاریی زیاتر: بەگوێرەی پێشبینییەکانی شێخ دارا، تێکڕای پلەکانی گەرما لە هەرێمی کوردستان بۆ ئەمڕۆ بەرزترینیان لە نێوان 16 بۆ 22 پلە بووە، نزمترینیشیان لە نێوان 8 بۆ 12 پلە بووە.

 

ئەمەش بزانە: جوولە و ئاراستەی با لە باکوور بە خێرایی 9 تا 14 کیلۆمەتر بووە لە کاتژمێرێکدا.