یەکێتی: پێویستە هەموو شتێک لەبیر بکەین و دەست بە گفتوگۆ بکەین

ئاڤا نیوز

 

دوای ئاشکراکردنی ئەنجامە فەرمییەکانی هەڵبژاردن، گفتوگۆی لایەنەکان بۆ پێکهێنانی حکومەت دەستیپێکردووە، گوتەبێژی یەکێتیش دوای بانگەشەیەکی تووندی هەڵبژاردن دەڵێت: "پێویستە هەموو شتێک لەبیر بکەین و سەرلەنوێ گفتوگۆ بکەینەوە".

 

وێنە گەورەکە: یەکێتیی نیشتمانیی کوردستان لە هەڵبژاردنی خولی شەشەمی پەرلەمانی کوردستان 23 کورسی بەدەستهێناوە، هاوشانی پارتی لیژنەیەکی بۆ گفتوگۆ لەگەڵ لایەنەکان پێکهێناوە و قوباد تاڵەبانی سەرۆکایەتی دەکات.

 

لێدوانی فەرمی: سەعدی ئەحمەد پیرە، وتەبێژی یەکێتی بە میدیای حیزبەکەی ڕاگەیاندووە، "لە ئایندەیەکی نزیکدا گفتوگۆ بۆ پێکهێنانی حکومەت دەستپێدەکات، پێویستە هەموو شتێک لەبیر بکەین و سەرلەنوێ گفتوگۆ بکەینەوە."