بۆنێکی ناخۆش شارەزووری هەراسان کردووە

ئاڤا نیوز

 

بۆنێکی ناخۆش لە سنووری قەزای شارەزوور و سەیدسادق بڵاو بووەتەوە، هاوکات دوو لیژنە بۆ لێکۆڵینەوە لە سنووری قەزای شارەزوور و شارۆچکەی عەربەت لە سلێمانی ڕاسپێردراون.

 

وێنە گەورەکە: لە کاتێکدا حاڵەتەکانی سکچوون و ڕشانەوە لە شارەزوور هاووڵاتیانی نیگەران کرد، بۆنێکی ناخۆش ڕووی لە سنوورەکە کردووە و سەرچاوەکەی دەستنیشان نەکراوە.

 

لێدوانی فەرمی: رزگار غەفوور، قایمقامی قەزای شارەزوور بە ئاڤا نیوزی ڕاگەیاند: ئەمڕۆ پۆلیسی دارستان و ژینگە لەگەڵ لیژنەی سووتەمەنی، لە سنووری قەزای شارەزوور لێکۆڵینەوەیان لە دوو گارگەی غاز کردووە تا بە سەرچاوەی بۆنە ناخۆشەکە بگەن، بەڵام دەرکەوتووە کە بۆنەکە سنووری شارەزور نییە، تەنیا ڕووی لە ناوچەکە کردووە.

 

لەلایەکی دیکەوە: پشتیوان ئیبراهیم، شارەزای کەشناسی بە ئاڤا نیوزی گوت: ئەگەر هاتوو سەرچاوەی بۆنە ناخۆشەکە کارگەکان، مەیدانی ئاژەڵان و ئاوی تانجەڕۆۆ نەبێت، ئەوا بەپێی زانستی کەشناسی پلێتەکانی زەوی دەجوولێن و غازی چینەکانی زەوی دێتە دەرەوە، ئەمەش لە کاتێکدا ڕوو دەدات کە ئەگەری دروستبوونی بوومەلەرزە بە پلەی 5 بۆ 6ی ڕێختەر هەبێت.

 

باکگراوند: دروستبوونی ئەم بۆنە لە کاتێکدایە کە بەهۆی شکانی بۆڕی ئاو لە شارەزوور، زیاتر لە دوو هەزار و 200 کەس لە سنوورەکە تووشی سکچوون و ڕشانەوە بوون کە زۆربەیان منداڵ بوون، هاوکات لە نەخۆشخانەی شەهید ڕەئوف بەگ لە قەزاکە چارەسەریان وەرگرت.