تۆمارێکی دەنگی خەمیس خەنجەر بڵاو دەبێتەوە

ئاڤا نیوز

 

لە تۆڕە کۆمەڵایەتییەکان تۆمارێکی دەنگی خەمیس خەنجەر، سەرۆکی دەستلەکارکێشاوەی هاوپەیمانی سیادە بڵاوبووەتەوە، لە پەیوەندییەکی تەلەفۆنیدا پلانێکی پێشوەختەی بەرپرسێکی باڵا دەگەیێنێتە سەرۆکوەزیرانی عێراق.

 

وێنە گەورەکە: خەمیس خەنجەر لەتۆمارە دەنگییەکەدا سوودانی ئاگادار دەکاتەوە لەوەی پلانێکی ژێر بەژێر لەنێوان مەحموود مەشهەدانی، سەرۆکی پەلەمانی عێراق و مشعان جبووری لە ئارادایە، بۆ ئەوەی کورێکی  مەشهەدانی بە ناوی "باسیت"ـەوە پۆستی سەرۆکی دەستەی وەبەرهێنانی وەقفی سوننی وەربگرێت.

 

لێدوانی فەرمی: خەمیس خەنجەر دەڵێت ، ئەگەر ئەو پلانە سەربگرێت، ئەوا کارەساتی لێدەکەوێتەوە. 

 

زانیاریی زیاتر: تائێستا حکومەت هیچ کاردانەوەیەکی فەرمی سەبارەت بە ڕاستی و دروستی ئەو تۆمارە دەنگییە ڕانەگەیاندووە، لەگەڵ ئەوەی هەندێک چاودێر ئاماژە بە ئەگەری زیرەکی دەستکرد دەکەن بەناوی خەمیس خەنجەرەوە ئەو تۆمارەیان دروست کردبێت.

 

باکگراوند: چەند ڕۆژێک پێش ئێستا بە هەمان شێوە تۆمارێکی دەنگی کەریم فەیسەڵ، سەرۆکی دەستەی ڕاوێژکارانی ئەنجوومەنی وەزیرانی عێراق بڵاوبووەوە، ئێستا دەستەی دەستپاکی عێراق لێکۆڵینەوە لەو بابەتە دەکات کە ئایا تۆمارە دەنگییەکە ڕاستەقینەیە یان بە بە ژیریی دەستکرد (AI) دروست کراوە.