کێشە ئابوورییەکانی نێوان هەولێر و بەغدا چین؟

ئاڤا نیوز

کێشە ئابوورییەکانی نێوان هەولێر و بەغدا تەنها پەیوەست نین بە پرسی نەناردنی مووچە، بەڵکو چەند بابەتێکی دیکەی گرنگ هەن کە کاریگەری نەرێنی دەخەنە سەر پەیوەندییەکان و ژیانی هاووڵاتیان.

وێنە گەورەکە: ئەگەر لە وێنە گەورەکەوە سەیری کێشە ئابوورییەکان بکەین، سەرجەمیان لە پێنج خاڵدا کۆدەبنەوە؛

1.    کێشەی نەناردنی مووچە و بودجە.

2.    کێشەی نەناردنی پارەی گەنمی جووتیارانی هەرێمی کوردستان.

3.    ڕاگرتنی هەناردەکردنی نەوتی هەرێمی کوردستان.

4.    کێشەی کۆنترۆڵکردن و داهاتی خاڵە سنوورییەکان.

5.    کێشەی بازگەکانی نێوان پارێزگاکانی هەرێمی کوردستان وعێراق لە موسڵ و کەرکووک.

ئەوەی پێویستە بیزانیت: لەگەڵ ئەوەی بەشێک لە کێشەکان چارەسەرکراون، بەڵام چارەسەرەکان کاتین و نەبوونەتە هۆی ڕەواندەوەی نیگەرانییەکان. دەکرێت سەردانەکەی ئەمڕۆی محەممەد شیاع سوودانی ببێتە هۆکارێک بۆ ئاماژەدان بە كێشەکان و چارەسەرکردنیان.