وادەی ناردنی یەکەم گوژمەی مووچەی مانگی 10 ئاشکرا دەکرێت

ئاڤا نیوز

سەرچاوەیەکی باڵا دەنگۆی گەڕاندنەوەی لیستی مووچە بۆ هەولێر ڕەت دەکاتەوە و دەشڵێت، سبەی پێنجشەممە یان یەکشەممەی داهاتوو یەکەم گوژمەی مووچەی مانگی 10 دەنێردرێت.

لێدوانی فەرمی: سەرچاوەیەکی باڵا لە حکومەتی هەرێمی کوردستان بە ئاڤا نیوزی ڕاگەیاند: "بەغدا هەندێک تێبینی لەسەر لیستی مووچە هەبووە و ئێمەش ڕوونکردنەوەمان پێداون، ئەوەی لەبارەی گەڕاندنەوەی لیستی مووچە دەگوترێت ڕاست نییە، وردبینی کراوە و لیست نەگەڕێنراوەتەوە".

لەلایەکی دیکەوە: سەرچاوەکە ئاماژەی بەوە کرد کە بەغدا چاوەڕوانە هەرێمی کوردستان داهاتی نانەوتی بخاتە سەر هەژماری حکومەتی عێراق، ئەمڕۆ چوارشەممە یان سبەی پێنجشەممە داهاتەکە دەنێردرێت.

ئەوەی پێویستە بیزانیت: بەگوتەی  ئەو سەرچاوەیە، سبەی پێنجشەممە 14ی مانگ یان یەکشەممەی داهاتوو کە دەکاتە 17ی مانگ، وەزارەتی دارایی عێراق گوژمەی یەکەمی مووچەی مانگی 10 دەخاتە سەر هەژماری وەرەتی دارایی و ئابووریی هەرێمی کوردستان.