ئەمڕۆ پرۆسەی سەرژمێری لە سلێمانی بەڕێوەناچێت

ئاڤا نیوز

 

هەرچەندە ئەمڕۆ لە پارێزگای هەولێر قۆناغی دووەمی پرۆسەی سەرژمێری دەستیپێكردووە، بەڵام لە پارێزگای سلێمانی دەستیپێنەكردووە و پەیامنێری ئاڤا هۆكارەكەی ئاشكرا دەكات.

 

زانیاریی پەیامنێر: ژیوار عەبدولرەحمان، پەیامنێری ئاڤا لە سلێمانی ڕایگەیاند: قسەم لەگەڵ بەڕێوەبەری ئاماری سلێمانی كردووە و ڕایگەیاند كە تاوەكو پاشنیوەڕۆ، بژمێرەكانی سنووری پارێزگای سلێمانی لە ڕاهێناندا دەبن، بۆیە ئەمڕۆ پرۆسەی سەرژمێری دەستپێناكات.

 

زانیاریی زیاتر: هەر بەپێی زانیارییەكانی پەیامنێری ئاڤا، سەرلەبەیانی سبەی بژمێرەكان بە گەڕەك و كۆڵانەكانی سنووری پارێزگای سلێمانی بڵاودەبنەوە و سەردانی هەر ماڵ و یەكەیەك دەكەن و داتا و زانیارییەكان تۆمار دەكەن.

 

ئەوەش بزانە: قۆناغی سێیەمی پرۆسەی سەرژمێری ڕۆژی 20ی ئەم مانگە دەستپێدەكات و بژمێرەكان سەردانی خێزانەكان دەكەن و زیاتر لە 70 پرسیاریان ئاراستە دەكەن، هەر بژمێرێكیش سەردانی نزیكەی 100 ماڵ دەكات.