لە ئەوروپا باندێکی قاچاخچی گەورەی کوردی دەستگیر دەکرێت

ئاڤا نیوز

 

تۆڕێکی گەورەی قاچاخچیکردن بە مرۆڤ دەستگیرکرا کە کۆچبەرانی نایاسایی لە ڕۆژهەڵاتی ناوەڕاست و ڕۆژهەڵاتی ئەفریقا لە فەرەنساوە بۆ بەریتانیا گواستووەتەوە، سەرۆک باندەکە کورد بووە. 

 

ڕاگەیێنراوی فەرمی: ئاژانسی پۆلیسی ئەوروپا ناسراو بە یۆرۆپوول دەڵێت: لە ئەنجامی لێکۆڵینەوەیەک کە لە کۆتایی ساڵی 2022 دەستپێکراوە، باندێک بە تۆمەتی قاچاخچیکردن بە مرۆڤەوە هەڵوەشێنراوەتەوە و 19 کەس لەو باندە بە هەماهەنگی فەرەنسا و بەلجیکا، لە ئەڵمانیا دەستگیر کراون. 

 

زانیاریی زیاتر: ئەو باندە یەکێک بووە لە چالاکترین و گەورەترین باندەکانی قاچاخچێتیی بە مرۆڤەوە و سەرۆکی باندەکە کورد بووە و ئێستا دەستگیر کراوە، کۆچبەرانی بەنایاسایی لە نۆکەندی ئینگلیزەوە بۆ بەریتانیا گواستوونەتەوە.

 

ئەوەی پێویستە بیزانیت: ئاژانسی پۆلیسی ئەوروپا چەند کارێکی گرووپەکەی ئاشکرا کردووە لەوانەش:
- باندەکە پێكهاتووە لە هاووڵاتیی کورد و سووری.
- بۆ گواستنەوەی کۆچبەران لەنێوان وڵاتان بەلەم و ئۆتۆمبێلیان بەکارهێناوە.
- بە تێکڕا 50 کۆچبەر بە چووپێک دەگوازرانەوە کە تەنها بۆ 10 سەرنشین گونجاو بووە.
- بڕی هەزار بۆ سێ هەزار یۆرۆ لە هەر کۆچبەرێک وەرگیراوە.
- دەستبەسەر 24 بەلەمی چووپ، 175 چاکەتی ڕزگارکەر لەگەڵ چەندین کەلوپەلی دیکەدا گیراون، کە کوالێتیان نزم بووە لە چینەوە کڕیویانە.