لە سنووری کەرکووک چوار چەکداری داعش دەکوژرێن

ئاڤا نیوز

 

هێزی ئاسمانی عێراق بە فڕۆکەی ئێف 16 شانەیەکی چەکدارانی داعشی لە سنووری پارێزگای کەرکووک بۆردوومانکرد، لە ئەنجامیشدا چوار چەکداری ڕێکخراوەکە کوژران.

 

وێنە گەورەکە: هەرچەندە حەوت ساڵ بەسەر کۆتاییهاتنی ڕێکخراوی داعش لە عێراق تێدەپەڕێت، بەڵام تا ئێستا شانە نوستووەکانی ڕێکخراوەکە ماون  و جار جارە هێزە ئەمنییەکان و هاووڵاتییانی مەدەنی بەئامانج دەگرن.

 

لێدوانی فەرمی: فەرماندەیی ئۆپەراسیۆنە هاوبەشەکانی عێراق بڵاویکردەوە، لە چوارچێوەی هەوڵەکانیان بۆ ڕووبەڕووبوونەوەی شانە نوستووەکانی داعش، هێزەکانیان لە ماوەی دوو ڕۆژدا لە ناوچەی وادی زغیتونی سنووری ئۆپەراسیۆنە هاوبەشەکانی کەرکووک، پێگەکانی داعشیان بە فڕۆکەی ئێف 16 بۆردوومان کرد، لە ئەنجامیشدا چوار چەکداری ڕێکخراوەکە کوژران.