وەزیری نەوتی عێراق: لەبارەی هەناردەکردنی نەوت لەگەڵ هەرێمی کوردستان لە گفتوگۆداین

ئاڤا نیوز 

 

لە شەشەمین دیداری نێودەوڵەتیی بەغدا وەزیری نەوتی عێراق ڕایگەیاند، لەگەڵ هەرێمی كوردستان لە گفتوگۆدان بۆ چارەسەرکردنی کێشەی هەناردەكردنەوەی نەوت.

 

لێدوانی فەرمی: لە شەشەمین دیداری نێودەوڵەتیی بەغدا وەزیری نەوتی عێراق گوتی: بەهۆی بڕیارەكانی دادگەی نێودەوڵەتییەوە، هەناردەكردنی نەوتی هەرێمی كوردستان ڕاگیراوە، ئێستا لە گفتوگۆداین و هەوڵ دەدەین کێشەی هەناردەكردنەوەی نەوت چارەسەر بکەین.

 

ئەوەی پێویستە بیزانیت: لەگەڵ هەرێمی كوردستان دانوستان بۆ دەستپێكردنەوەی هەناردەكردنەوەی نەوت لەڕێی بەندەری جەیهان بەردەوامە.

 

گۆشەیەکی دیکەی دیمەنەکە: بەهۆی زۆری خواست لەسەر غازی سرووشتی پلان بۆ فراوانکردنی وەبەرهێنان هەیە.