وەزارەتی بەرگریی عێراق سەرەخۆشی لە شەهیدانی خورماتوو دەکات

ئاڤا نیوز

 

لە قەزای خورماتوو بۆمبێکی چێنراو بە ئۆتۆمبێلێکی سەربازیی هێزێکی هاوبەشی پێشمەرگە و سوپاسی عێراقدا تەقییەوە و بەهۆیەوە سێ ئەفسەر و سەرباز شەهید بوون، وەزارەتی بەرگریی عێراق هەواڵەکە پشتڕاست دەکاتەوە و سەرەخۆشییان لێ دەکات.

 

ڕاگەیێنراوی فەرمی: وەزارەتی بەرگریی عێراق ڕایگەیاند: وەزارەت سەرەخۆشی لە کەسوکاری شەهیدەکان دەکات کە ئەمڕۆ یەکشەممە لەکاتی ڕاپەڕاندنی ئەرکەکانیان شەهید بوون.

 

ئەوەی پێویستە بیزانیت: شەهیدەکان بریتین لە عەقید سامان سابر سلێمان، فەرماندەی فەوجی سێی لیوای یەکی هاوبەش، عەقید محەممەد، یەکێک لە ئەفسەرەکانی فەرماندەیی ئەندازیاری فیرقەی نۆی زرێپۆش و مفەوەزێک بە ناوی شەریف ئەحمەد محەممەد شەهید بوون، سێ سەربازیش بریندار بوون بە ناوەکانی ئەحمەد شەهاب، مستەفا، شاکر جەواد.