ئاڤا نووسراوێکی نوێ لەبارەی دامەزراندنی یەکەمەکانی زانکۆ ئاشکرا دەکات

ئاڤا میدیا

 

وەزارەتی خوێندنی باڵا نووسراوێکی نوێ بۆ دامەزراندنی سێ یەکەمەکان بۆ ئەنجوومەنی وەزیران دەنێرێت، بۆ ئەوەی داوا لە بە‌غدا بکرێت پارەیان بۆ دابین بکرێت.


چیرۆکی سەرەکی: سێ یەکەمەکانی زانکۆ و پەیمانگەکان لەبەردەم ئەنجوومەنی وەزیرانی هەرێمی کوردستان گردبوونەوە و داوایان لە ئاڤا میدیا کردووە کە پەیامەکەیان بگەیێنێت.

زانیاریی بەدەستهاتوو: سێ یەکەمەکانی زانکۆ و پەیمانگەکان بایۆمەترییان کردووە و  دوای پڕۆسەکە ناوی 10 هەزار کەسی شایستە بۆ دامەزراندن ماوەتەوە.

نووسراوی فەرمی: ئاڤا بەدواداچوونی کرد و دەرکەوت وەزارەتی خوێندنی باڵا و توێژینەوەی زانستی لە نووسراوێکدا، داوای لە ئەنجوومەنی وەزیرانی هەرێمی کوردستان کردووە ڕەزامەندی بدەن بابەتەکە بخرێتە بەرنامەی کاری کۆبوونەوەی ئەنجوومەنی وەزیران، بۆ ئەوەی داوا لە بەغدا بکرێت بەشێوەی هەمیشەیی دابمەزرێنرێن و پارەی پێویستیان بۆ تەرخان بکات.

 

باکگراوند: لە ساڵی 2018ـەوە پرۆسەی دامەزراندنی سێ یەکەمەکانی زانکۆ و پەیمانگەکان وەستاوە، ئەمساڵیش بە بڕیاری سەرۆکوەزیران بارزانی دامەزراندن دەستپێکردووەتەوە و بڕیارە سێ یەکەمەکانی ساڵانی 2017-2018 تاوەکو 2022-2023 دادەمەزرێنرێن.