کۆریای باکوور خۆی بۆ جەنگ ئامادە دەکات

ئاڤا نیوز

 

سەرۆکی کۆریای باکوور داوای بەهێزکردنی هێزی ئەتۆمی وڵاتەکەی و ئامادەکاریی بۆ جەنگ دەکات.

 

وێنەگەورەکە: ڕۆژ 15-11-2024، دوای 10 ساڵ سەرۆکی کۆریای باکوور بەشداری لە چوارەمین کۆنفرانسی فەرماندەکانی کەتیبە و ڕاهێنەرە سیاسییەکانی سوپای کۆریای لە پیۆنگیانگ کرد، ئەمەش لە کاتێکدایە کە ئاڵۆزییەکانی لەگەڵ کۆریای باشوور زیاتر بووە.  

 

زانیاریی بەدەستهاتوو: میدیای کۆریای باکوور بڵاویکردەوە، کیم جۆنگ ئون، سەرۆکی ئەو وڵاتە داوای بەهێزکردنی ''بێ سنوور''ی هێزە ئەتۆمییەکانی وڵاتەکەی و داوای تەواوکردنی بەپەلەی ئامادەکارییەکانی جەنگی کردووە بۆ ڕووبەڕوو بوونەوەی کۆریای باشوور.

 

لێدوانی فەرمی: کیم جۆنگ ئون، سەرۆکی کۆریای باکوور ڕایگەیاند: هێزی بەرگری وڵاتەکەمان بەهێزتر دەکەین بەتایبەتی هێزی ئەتۆمیمان بە بەردەوامی، هاوکات داوای لە سوپای وڵاتەکەی کرد هەموو هەوڵەکانیان بۆ تەواوکردنی ئامادەکارییەکانی جەنگ چڕبکەنەوە.

 

زانیاریی زیاتر: سەرۆکی کۆریای باکوور لە پیۆنگیانگ، نیمچە دوورگەی کۆریای بە "گەورەترین خاڵی  گەرمی جیهان" وەسف کرد.