دەشنێ موراد دێ ل دهۆکێ کۆنسێرتەکا خێرخوازی گێریت

ئاڤا نیوز

 

ب سپۆنسەریا ئاڤا میدیا، هونەرمەند دەشنێ موراد، دێ ل زانینگەها ئەمریکی یا دهۆکێ کۆنسێرتەکێ گێڕیت و داهاتێ وێ ژی ددەتە قوتابییێن پێدڤی.

 

چیرۆکا سەرەکی: بڕیارە ڕۆژا 7-3-2024، ب پشکداریا هونەرمەند دەشنێ موراد ل زانینگەها ئەمریکی یا کوردستانێ ل دهۆکێ ب گێڕانا کۆنسێرتەکێ بهێتە کرن کو داهاتێ وێ بۆ قوتابیێن پێدڤییە.

 

داخویانیا فەرمی: عەدنان محەمەد، ژ بەشێ پێشڤەبرنێ ل زانینگەها ئەمریکی کوردستان بۆ ئاڤا نیوز ڕاگەهاند، 60% یا قوتابیێن زانکۆیا وان ب ڕێکا مونحە هاتینە وەرگرتن، لەو ئەوان ب فەر دیت ڕۆژا خێرخوازیێ بکەن داکو داهاتەکێ بدەستڤە بینن و لسەر قوتابیان بەلاڤ بکەن.

 

زانیاریێن زێدەتر: کۆنسێرت ل دەمژمێر سێیێ ئێڤاری دێ دەستپێکەت و بهایێ هەر پلێتەکێ 25 هزار دینارن، ئاڤا میدیا ژی سپۆنسەریێ لێ دکەت.

 

ئەوا پێدڤیە بزانی: زانینگەها ئەمریکی یا کوردستانێ زانینگەهەکا حکومی یا قازانج نەخازە، هەر وەبەرهێنەرەکێ بخوازیت بۆ ڤێ ڕۆژێ دەستێ هاریکاریێ پێشکێش بکەت دەرگەهێ ڤەکریە.

 

باکگراوند: سالا بووری ژی ئەڤ چالاکییە هاتبوو کرن، ب داهاتێ وێ ژی لاپتۆپ هاتبوونە کڕین و  لسەر قوتابیێن پێدڤی هاتبوو بەلاڤکرن.