ئیسرائیل هەڕەشە لە عێراق دەکات

ئاڤا نیوز 

ئیسرائیل نامەیەک بۆ ئەنجوومەنی ئاسایشی نەتەوە یەکگرتووەکان دەنێرێت بۆ یەکەمجار ناوی هێزە چەکدارەکانی عێراق دەهێنێت و تۆمەتباریان دەکات بەوەی هێرشی کوشندەیان لە دژی ئیسرائیلییەکان ئەنجامداوە و بووەتە هۆی کوژرانی سەربازەکانی.

 

وێنە گەورەکە: جەدعوون ساعر، وەزیری دەرەوەی ئیسرائیل، هەر یەکە لە عەسائیب ئەهلی حەق، کەتیبەکانی حزبوڵڵا، لیواکانی بەدر، بزووتنەوەی نوجەبا، ئەنسارالله و کەتیبەکانی سەیدوالشوهەدای تۆمەتبار کرد بە هێرشکردنە سەر ئیسرائیل و دەڵێت" سەرجەم ئەو هێزانە سەر بە حەشدن و پاڵپشتی دەکرێن لەلایەن حکومەتی عێراقەوە بەپێی ڕێنماییەکانی ئێران".

 

لێدوانی فەرمی: ساعر داوای کردووە ئەم نامەیە وەک بەڵگەنامەیەکی فەرمی لە ئەنجوومەنی ئاسایشدا بڵاوبکرێتەوە، هاوکات داوای لە حکومەتی عێراق کرد ئەرکەکانی خۆی بۆ ڕێگریکردن لەو هێرشانە جێبەجێ بکات و وتی، "ئیسرائیل مافی خۆیەتی وەڵام بداتەوە و هەموو ڕێوشوێنێکی پێویست بگرێتەبەر بۆ پاراستنی سەر و ماڵی هاووڵاتییانی".