ئۆکراینا بە مووشەکی دوورمەودا هێرشی کردە سەر ڕووسیا

ئاڤا نیوز

 

ئۆکراینا بە مووشەکی دوورمەودای دروستکراوی ئەمریکی هێرشی کردە سەر بنکەیەکی سەربازیی لە ڕووسیا، ئەم هێرشە لەکاتێکدایە کە پێشتر ڕووسیا هۆشداریی دابوو لە بەکارهێنانی ئەو مووشەکە.

 

ڕاگەیێنراوی فەرمی: میدیاکانی ڕووسیا ڕایانگەیاند، ئۆکراینا بە مووشەکی دوورمەودای بەرهەمهێنراوی ئەمریکا هێرشی کردە سەر دامەزراوەیەکی سەربازیی لە  سنووری برایانسک لە ڕووسیا.

 

لەلایەکی دیکەوە: وەزارەتیی بەرگریی ڕووسیا ئاماژەی بەوە کرد، "ئەو مووشەکەی لەم هێرشە بەکارهێنراوە مووشەکی دروستکراوی ئەمریکییە''، هاوکات وەزارەتی بەرگریی ڕووسیا خستنەخوارەوەی پێنج لەو مووشەکانەی لەلایەن سیستمی بەرگریی ئاسمانییەوە ڕاگەیاند.

 

بۆچی گرنگە: ئەمە یەکەم هێرشی ئۆکراینایە بۆ سەر ڕووسیا کە تیایدا مووشەکی دوورمەودا بەکارهاتبێت، ئەمەش دوای ئەوەی جۆ بایدن سەرۆکی ئەمریکا گڵۆپی سەوزی بۆ ئۆکراینا هەڵکرد مووشەکی دوورمەودا لە هێرشە سنووردارەکانی دژ بە ڕووسیا بەکاربهێنێت.

 

زانیاریی زیاتر:  "ئەم ڕێگەپێدانەی ئەمریکا بە ئۆکراینا بەمەبەستی بەکارهێنانی مووشەکی  دوورمەومەودا ململانێی نێوان ڕووسیا و ئۆکراینا زیاتردەکات، هەروەها ئاگری شەڕ زیاتر دەکات". دمیتری پێسکۆڤ، وتەبێژی وەزارەتیی دەرەوەی ڕووسیا وادەڵێت