پووتین مەرجەکانی بەکارهێنانی چەکی ئەتۆمی ئاسانتر دەکات

ئاڤا نیوز

 

ڤلادیمیر پووتین، سەرۆکی ڕووسیا، هەمواری ڕێساکانی بەکارهێنانی چەکی ئەتۆمیی ڕووسیای پەسەند کرد کە ڕێگە دەدات چەکی ئەتۆم لە دژی وڵاتانی نائەتۆمیش بەکار بهێنرێت.

 

چیرۆکی سەرەکی: بە گوێرەی هەموارە نوێیەکە ئەگەر وڵاتێکی نائەتۆمی بە پاڵپشتیی وڵاتێکی ئەتۆمی هێرش بکاتە سەر ڕووسیا، ئەوا ڕووسیا بۆی هەیە بیر لە بەکارهێنانی چەکی ئەتۆمی لە دژی ئەو وڵاتە بکاتەوە.

 

ئەوەی پێویستە بیزانیت: ئەم بڕیارەی پووتین لەکاتێکدایە هەزار ڕۆژ بەسەر هەڵگیرسانی شەڕی نێوان ڕووسیا و ئۆکراینا تێدەپەڕێت.

 

زانیاریی زیاتر:  هەموارکردنەوەی ڕێساکان هاوکاتە لەگەڵ بڕیاری هەڵکردنی گڵۆپی سەوزی ئەمریکا کە ڕێگەی بە ئۆکراینا داوە بە مووشەکی دوورمەودای درووستکراوی ئەمریکی ئامانجە سەربازییەکان لە قووڵایی خاکی ڕووسیا بپێکێت.

 

ئەمەش بزانە: لە بەشێکی دیکەی هەموارەکەدا هاتووە، هەر جۆرە هێرشێک لەلایەن وڵاتێکەوە کە ئەندامی هاوپەیمانێتییەک بێت، لە دیدی مۆسکۆوە بە واتای دەستدرێژیی تەواوی ئەو هاوپەیمانێتییە بۆ سەر ڕووسیا دێت.