باڵیۆزخانەی ئەمریكا لە كیێڤ هۆشداری لە هێرشی ئاسمانی ڕووسیا دەدات

ئاڤا نیوز

 

باڵیۆزی ئەمریكا لە كیێڤی یایتەختی ئۆکرانیا، هۆشداری دەدات لە ئەگەری هێرشی ئاسمانی بەرفراوانی ڕووسیا بۆ سەر وڵاتەكە.

 

وێنە گەورەكە: دوای ئەوەی ئەمریكا ڕێگەی بە ئۆکرانیا دا مووشەكی دوورمەودا دژی ڕووسیا بەكاربهێنێت، ڕووسیا نیگەرانی لە دۆخەكە دەربڕی و ئەگەری هەیە هێرشێكی مووشەكی بەرفراوان بكاتە سەر ئۆکرانیا.

 

لێدوانی فەرمی: باڵیۆزخانەی ئەمریكا لە كیێڤ ڕایگەیاند: ڕووسیا وەک تۆڵەسەندنەوەیەک دژی بەكارهێنانی مووشەكی دوورمەودا لەلایەن ئۆكرانیاوە بە نیازە هێرشێكی مووشەكی تووند بكاتە سەر كیێڤ.

 

ئەمەش بزانە: ڕووسیا نەیشاردووەتەوە بەكارهێنانی مووشەكی دوورمەودای ئەمریكی لەلایەن كیێڤەوە كاریگەری گەورەی دەبێت لەسەر بیركردنەوەی سوپای وڵاتەكەی و ئامادەكاری دەكات بۆ ئەنجامدانی هێرشی گەورە.