مەندەلاوی: ئەمریکا بەر پرسیارە لەهەر هێرشێکی ئیسرائیل بۆ سەر عێراق

ئاڤا نیوز

 

جێگری یەکەمی پەرلەمانی عێراق سکاڵانامەکەی وەزارەتی دەرەوەی ئیسرائیلی بۆ ئەنجوومەنی ئاسایشی نێودەوڵەتی بە "پاساوێک بۆ فراوانکردنی جەنگ لە ناوچەکەدا و زیاتر خوێن ڕشتن" ناوبرد.

 

وێنە گەورەکە: ئیسرائیل نامەیەک بۆ ئەنجوومەنی ئاسایشی نێودەوڵەتی دەنێرێت و بۆ یەکەمجار ناوی هێزە چەکدارەکانی عێراق دەهێنێت و تۆمەتباریان دەکات بەوەی هێرشی کوشندەیان دژی ئیسرائیل ئەنجامداوە و بوونەتە هۆی کوژرانی سەربازەکانی.

 

لێدوانی فەرمی: موحسین مەندەلاوی، جێگری یەکەمی سەرۆکی پەرلەمانی عێراق ڕایگەیاند: ئەمریکا بەرپرسیارە لەهەر هێرشێکی ئیسرائیل بۆ سەر خاکی عێراق، پێویستە واشنتن سنورێک بۆ فراوانکردنی ململانێکان لە ناوچەکە دابنێت و  دەستبەجێ شەڕەکە ڕابگرێت.

 

لەلایەکی دیکەوە: مەندەلاوی ئاماژەی بەوەشکرد، سەرقاڵبوونی ئیسرائیل بە عێراقەوە پشتڕاستی دەکاتەوە، کە هەوڵە دیپلۆماسییە پەرلەمانی و حکومیەکانی عێراق سەبارەت بە ڕاگرتنی شەر لە ناوچەکەدا کاریگەر بوون.