ئەمریکا سزا بەسەر گەورەترین بانکی گازپرۆمی ڕووسیا دەسەپێنێت

ئاڤا نیوز

 

ئەمریکا بە مەبەستی سنووردارکردنی تواناکانی ڕووسیا سزای نوێی بەسەر گەورەترین بانکی گازپرۆم و شەش لقی دیکەدا سەپاند.

 

وێنە گەورەکە: ئەمڕۆ ئەمەریکا سزای نوێی بەسەر سێیەم گەورەترین بانکی گازپرۆم و شەش لقە بیانییەکەیدا سەپاند، ئامانج لەم هەنگاوەی سنووردارکردنی تواناکانی ڕووسیایە بەرامبەر خۆلادان لە سزا بەرفراوانەکانی ئەمریکا کە لە دژی ئەو وڵاتە گیراوەتەبەر لە وەتەی شەڕی ئۆکرانیا لە شوباتی 2022 دەستیپێکردووە.

 

ڕاگەیێنراوی فەرمی: وەزیری گەنجینەی ئەمەریکا، جانێت یڵن ڕایگەیاند: سزاکان توانای ڕووسیا بۆ دابینکردنی دارایی شەڕەکە لاواز دەکات و دەربازبوون لە سزاکان بۆ کرملین قورستر دەکات.

ئەوەی پێویستە بیزانیت: زیاتر لە 50 بانکی ڕووسیا، 40 تۆمارکەری قەرز و 15 بەرپرسی دارایی ڕووسیا لەلایەن ئەمریکاوە سزایان بەسەردا سەپێنراوە.

 

ئەمەش بزانە: بانکی گازپرۆم یارمەتی ڕووسیا دەدات بە پارەدانی سەربازان و قەرەبووکردنەوەی زیانەکانی خێزانی سەربازانی کوژراو لە شەڕی ئۆکرانیادا، پێشتر لەلایەن کەنەدا و بەریتانیاوە سزا درابوو.

بابەتە ستراتیژییەکە: سزاکان ڕێگە لە قەوارە و کەسە سزادراوەکان دەگرن لە دەستگەیشتن بە سەرمایەی ئەمەریکا و ڕێگرییان لێدەکات لە مامەڵەکردن لەگەڵ کۆمپانیا و هاوڵاتیانی ئەمریکی.