حکومەتی عێراق: هەوڵی كۆنتڕۆڵكردنی ئەو گروپە چەكدارانە دەدەین كە هێرش دەكەنە سەر ئیسرائیل

ئاڤا نیوز

 

وتەبێژی حكومەتی فیدڕاڵی عێراق ڕایدەگەیێنێت، هەموو هەوڵێكی سەربازیی و دیپلۆماسی دەدەن بۆ كۆنتڕۆڵكردنی ئەو گروپە چەكدارانەی كە هەوڵدەدەن خاكی عێراق بۆ هێرشكردنەسەر ئیسرائیل بەكاربهێنن.

 

وێنە گەورەكە: بەشێك لە گروپە چەكدارەكانی عێراق كە خۆیان بە 'بەرەی مقاوەمەی ئیسلامی' ناودەبەن، بەردەوام لەڕێگەی هێرشی درۆنی و مووشەكیی خاكی ئیسرائیل بەئامانج دەگرن، لەبەرامبەر ئەوە ئیسرائیل هەڕەشەی هێرشكردنە سەر عێراق دەكات.

 

لێدوانی فەرمی: باسم عەوادی، وتەبێژی حکومەتی فیدڕاڵی عێراق لە لێدوانێکی بۆ میدیا عەرەبییەکان رایگەیاند، "هەوڵی كۆنتڕۆڵكردنی ئەو گروپە چەكدارانە دەدەین كە هێرش دەكەنە سەر ئیسرائیل، لەهەمانکاتدا ڕووبەڕووی هەر هێرشێکی چاوەڕوانکراو دەبنەوە ئەگەر بکرێتە سەر عێراق".

 

ئەوەی پێویستە بیزانیت: ئیسرائیل نامەیەکی بۆ ئەنجوومەنی ئاسایشی نێودەوڵەتی ناردووە و بۆ یەکەمجار ناوی هێزە چەکدارەکانی عێراق دەهێنێت و تۆمەتباریان دەکات بەوەی هێرشی کوشندەیان دژی ئیسرائیل ئەنجامداوە و بوونەتە هۆی کوژرانی سەربازەکانی.