کۆمکاری عەرەبی لەبارەی هەڕەشەکانی ئیسرائیل بۆ سەر عێراق کۆدەبێتەوە

ئاڤا نیوز

 

ژمارەیەک وڵاتانی ئەندام لە کۆمکاری عەرەبی لەسەر داوای عێراق ڕەزامەندییان داوە کۆبوونەوەیەکی نا ئاسایی بکەن لەبارەی هەڕەشەکانی ئیسرائیل بۆ هێرشکردنە سەر عێراق و پێشبنی دەکرێت لەم نزیکانە وادەی کۆبوونەوەکە دیاری بکرێت.

 

وێنە گەورەکە: دوای ئەوەی عێراق یاداشتێکی ئاراستەی کۆمکاری عەرەبی کرد بۆ ئەنجامدانی کۆبوونەوەیەکی نائاسایی لەسەر ئاستی نوێنەرەکانیان دەربارەی هەڕەشەی هێرشکردنە سەر عێراق لە لایەن ئیسرائیلیەوە، ژمارەیەک لە وڵاتانی ئەندام پاڵپشتی داواکەی عێراق دەکەن، بەڵام هێشتا وادەی کۆبوونەوەکە دیاری نەکراوە.

 

ڕاگەیێنراوی فەرمی: حوسام زەکی، ئەمینداری گشتیی یاریدەدەری کۆمکاری عەرەبی ڕایگەیاند: ئەمیندارییەتی گشتی یاداشتەکەی عێراقی پێگەیشتووە، یاداشتەکە دراوەتە وڵاتانی ئەندام بۆ ڕاوێژکردن لەسەر دیاریکردنی وادەی پێشنیازکراو، هاوکات ژمارەیەک لە وڵاتان پاڵپشتییان بۆ داواکە دەربڕیوە.  

 

لەلایەکی دیکەوە: وەزیری دەرەوەی ئیسرائیل نامەیەکی بۆ ئەمینداری گشتیی نەتەوە یەکگرتووەکان و ئەنجوومەنی ئاسایشی نێودەوڵەتی ناردووە و باسی هێزە چەکدارەکانی عێراق دەکات و تۆمەتباریان دەکات بە هێرش کردنە سەر ئیسرائیل و بەپێی ڕێنمایەکانی ئێران پاڵپشتی دەکرێن.