وەزارەتی پلاندانانی عێراق: لەم هەفتەیەدا ئەنجامی سەرەتای سەرژمێری ڕادەگەیەنین

ئاڤا نیوز

وەزارەتی پلاندانانی عێراق دەڵیت، ئەنجامی سەرەتایی سەرژمێریی گشتیی دانیشتووان تا ناوەڕاستی هەفتەی داهاتوو ڕادەگەیەنین و ئاماژەی بەوە کرد قۆناغێکی دیکەی سەرژمێری دەستپێدەکەن.

 

وێنە گەورەکە: ڕۆژانی 20 و21ی11-2024، قۆناغی دووەمی سەرژمێری گشتیی دانیشتووان لە عێراق  و هەرێمی کوردستان بەڕێوەچوو، بڕیارە لە چەند ڕۆژی داهاتووشدا ئەنجامی سەرەتایی ڕبگەیەنرێت و دەستبکرێت بە قۆناغی سێیەمی سەرژمێری.

 

 ڕاگەیێنراوی فەرمی: عەبدولزەهرە هنداوی، وتەبێژی وەزارەتی پلاندانانی عێراق ڕایگەیاند: ئەنجامی سەرەتایی سەرژمێری دوا ناکەوێت، پێشبینکراوە لە ناوەڕاستی ئەم هەفتەیە ژمارەی دانیشتووانی عێراق ڕابگەیێنرێت. 

 

زانیاریی زیاتر: لەبارەی قۆناغی سێیەمی سەرژمێریش هنداوی باس لەوە دەکات، قۆناغی داهاتوومان پێویستی بە وردی زیاتر هەیە، چونکە بوارە کۆمەڵایەتی و نیشتەجێبوون، فێرکاری، کار، چەندین داتا ورد لەخۆ دەگرێت و ڕاگەیاندنی ئەنجامەکانی پێویستی بە دوو مانگ یاخود زیاترە.