وەزارەتی ناوخۆی عێراق سەرکەوتنی پلانی ئەمنیی بۆ سەرژمێریی دانیشتووان ڕاگەیاند

ئاڤا نیوز

 

وەزارەتی ناوخۆی عێراق سەرکەوتنی پلانی ئەمنی بۆ سەرژمێری دانیشتووان و کۆتاییهاتنی قەدەغەی هاتووچۆی لەنێوان سەرجەم پارێزگاکانی عێراق بە هەرێمی کوردستانیشەوە ڕاگەیاند.

 

وێنە گەورەکە: قۆناغی یەکەمی سەرژمێری لە 16ی مانگەوە دەستیپێکرد و تا ڕۆژی 19ی مانگ بەردەوام بوو، قۆناغی دووەمیش لە 20 و 21ـی مانگ سێ ڕۆژی خایاند و لەچەند ڕۆژی داهاتوودا قۆناغی سێیەم دەستپێدەکات.

 

لەهەمان کاتدا: وەزارەتی ناوخۆ سوپاسی هەموو ئەو هاووڵاتی و کەسایەتییە ئایینی و نەتەوەییەکان و میدیاکاران و ڕۆژنامەنووسان دەکات کە بەشداربوون لە سەرکەوتنی پرۆسەکە.

 

ئەوەی پێویستە بیزانیت: بەهۆی پرۆسەی سەرژمێریی گشتی، لیژنەی باڵای ئەمنی بۆ سەرژمێری، قەدەغەی هاتووچۆی بۆ ڕۆژانی 20 و 21ی ئەم مانگە ڕاگەیاند، کاتژمێر 12:00ی شەوی ڕابردوو قەدەغەی هاتووچۆ لە ناو شارەکان و چوارچێوەی سنووری پارێزگاکان هەڵگیرا،  بەڵام لە نێوان پارێزگاکاندا ڕۆژێک درێژکرایەوە.