پلاندانانی عێراق: تەواوکردنی قۆناغی دووەمی سەرژمێری بە سەرکەوتوویی ڕاگەیاند

ئاڤا نیوز

 

دەستەی باڵای سەرژمێری گشتیی دانیشتووان لە وەزارەتی پلاندانانی عێراق تەواوکردنی قۆناغی دووەمی سەرژمێری بە سەرکەوتوویی ڕاگەیاند.

 

وێنە گەورەکە:  قۆناغی دووەمی سەرژمێری گشتیی دانیشتووان لە عێراق  و هەرێمی کوردستان کۆتایی هات، بڕیارە لە چەند ڕۆژی داهاتووشدا قۆناغی سێیەمی دەستپێبکات.

 

ڕاگەیێنراوی فەرمی: دەستەی باڵای سەرژمێری گشتیی دانیشتووان ڕایگەیاند: رێژەی ڕووماڵکردن بۆ تاک و خێزان و بیناکان لە 100% نزیکبووەتەوە کە بەرزترین ڕێژەیە لە مێژووی سەرژمێرییەکانی عێراق دا تۆمارکراوە.

 

زانیاریی زیاتر: بەگوێرەی دەستەی باڵای سەرژمێری، ئەنجامدانی سەرژمێری دانیشتووان و سەرکەوتنی پرۆسەکە، پابەندی حکومەتی پیشان دەدات لە جێبەجێکردنی ئەرکەکانی.

 

لە هەمان کاتدا: دەستەی باڵای سەرژمێری پێیوایە، ئەنجام و دەرئەنجامەکانی ئەم سەرژمێرییە کاریگەرییەکی باشی دەبێت لە ئاراستەکردنی ڕێگاکانی گەشەپێدان بەرەو ئامانجە ڕاستەقینەکان.