گەندەڵی دارایی لە یەکێک لە بانکە حکومییەکانی عێراق ئاشکرا دەکرێت

ئاڤا نیوز

 

دەستەی دەستپاکیی عێراق ڕایدەگەیێنێت، تیمەکانی لێکۆڵینەوە لە کەیسەکانی دەستپاکی توانیویانە حاڵەتی گەندەڵی لە یەکێک لە بانکە حکومییەکان لە پارێزگای کەربەلا ئاشکرا بکەن، کە پەیوەستە بە دزینی پارەی قەرزدەرەکان.

 

وێنە گەورەکە: لە دوای ساڵی 2003 گەندەڵی لە عێراق بووەتە باوترین دیاردە و سەرجەم دامەزراوەکانی دەوڵەتی گرتووەتەوە، ئێستاش گەیشتووەتە ئاستێكی مەترسیدار و حکومەت ناتوانێت بنبڕی بکات.

 

ڕاگەیێنراوی فەرمی: دەستەی دەستپاکیی لە ڕاگەیێنراوێکدا ئاشکرای دەکات، تیمێکی پێکهێنراو لە نووسینگەی لێکۆڵینەوەی دەستەی دەستپاکی لە پارێزگای کەربەلا، لە چوارچێوەی کاری بەدواداچوون و وردبینی لە بانکی ڕافیدەین-لقی حوسێنیە، دزینی بڕێک پارەیان ئاشکرا کردووە کە لەلایەن دوو قەرزدەرەوە دراوە، دەست بەسەر پارەکانیادا گیراوە و و دزراوە.

 

زانیاریی زیاتر: هەر بە گوێرەی ڕاگەیێنراوەکە، بەڕێوەبەری پێشووی بانکەکە بە هاوکاری بەرپرسانی بەشی قەرز و ژمێریار و کارمەندی ژمێرەر، پارەی قیستەکانیان دزیوە.

 

ئەوەی پێویستە بیزانیت: لە 21-8-2024، دەستەی دەستپاکیی عێراق دەستگیرکردنی پێنج کارمەندی بانکەکەی لەسەر دزینی پارەی قەرزەکان ڕاگەیاند، ئەمەش دوای وردبینیکردنی دۆسیەی قەرزدەرەکان.